|
Entalto
Quí semos
Quien somos
| |
 Ixes de
Reclizas,
ye una Asoziazión cultural, sin d´animo de lucro, integrata prenzipalmen por un coleutibo plastico, que
preba, a trabiés d' a pintura e imáchens graficas, fer una ambiesta contemporania
y prou
autual, d' a
cultura aragonesa en o sieglo XXI. Os nuestros ochetibos como entidá de raso cultural son: Empentar
l´intrés per a cultura y a luenga aragonesa, mes que mes, fomentando lo suyo
conoximiento; Balguar, repuntar y
espardir,
as manifestazions bibas d' a cultura aragonesa, que surten en
o nuestro tiempo; Considerar a
espardidura
cultural, como meyo de bertebrazión d'o territorio y punto de trobada, de toz
os aragoneses, os d' a inmigrazión y os que encara biben en o nuestro chiquet pais.
Ta o cumplimiento d' os nuestros ochetibos reyalizamos as siguiens
autibidáz :
 |
Esposizions |
|
Organizazión d' autos ludicos y culturals que aduyen a espardir
as fins de l´Asoziazión |
|
Proyeutos culturals y d' arte á trabies d' o rete |
| Replega de datos, decumentos y estudeos, d' os temas rilazionatos con
as fins d' a
entidá |
|
Dende o baturrismo dica os alazez d´a cultura nuestra
|
Con o proyeuto Mudanza, "Mutatis, Mutandis", (beyer
a naya birtual) querébanos brullar y bindicar, a
conserbazión,
o ficazio y desembolique d' as culturas tradizionals y populars, como trastes
ta alzar a dibersidá cultural, fren a ros poblemas d' a globalización y as
suyas pretensions, omoxenizans y prou simplas.
O tetulo d' a esposizión, “Mudanza (Mutatis, Mutandis)” fa referenzia á os cambeos
y transformazions, á las mutazions, que penan as culturas, soziedaz y zebilizazions a trabiés d' os
sieglos. Transformarse, cambear, mutar.... surtiendo d' ista articulazión de
conzeutos sobre a simbolochía e Iconografía de nusatros, intentamos
capuziar dillá d' os clichés y tópicos culturals imposatos e impostatos
mientres sieglos.
A remates d'o Sieglo. XX, as señas d' identidá Aragonesas, yeran de raso
solapatas y enbulcatas por bels cuantos clichés, fundamen enradigatos y que se establitan como los únicos simbolos
identitarios d' a cultura de nusatros, se intentaba borrar d'o esmo y a recordanza
coleutiba, cualsiquier rasgo cultural masiau autotono y mesmo.
Bel exemplo, mientres muitas decadas y potenziato por as dibersas
alministrazións estatals y locals, a cultura aragonesa, se semplificará en tres
únicas direutrizes a saber : a jota, o cachirulo y l´ ofridura de flors, tot
er, como paradigma y bolchorniza sintesis ramplona de toda una cultura con más
de güeitozientas añadas d' antigüidá, una cultura inmensamen rica en
patrimonio lingüístico, Aragonés, Catalán y dende o sieglo [XV]
Castellán, mósicas, bailes, tradizións orals, cabals mueble, inmueble,
y legaus inmaterials, ezetra…. Relegato toz os simbolos e iconos d' a
cultura nuestra a ra falsa d' as recordanzas trafegatas y maí remontatas,
creyando uns manefizios y tópicos culturals que han estricallato y cuasi
amortato a nuestra berdadera identidá cultural.
Fraxilidá, ixupliu, esferra e perda inapañable*.
L´apuesta de nusatros ye por a esbielladura dende bella ambista plastica, á
esprés, y muito respituosa con a iconografía y simbolochía d' a cultura patrimonial de nusatros, intentando
adotar-lis
d' un lenguache muderno y contemporanio, perque creyemos que a cultura de nusatros puede continar encara
abendo en l' autualidá un puesto chunto a toz os esmos culturals d' a umanidá, enriquexiendose d' eras, pero tamién
con eras e interautuando. Nusatros apostamos por a bixenzia d' a cultura nuestra en o
presén sieglo, en o XXII y en os esdebeniders .... perén mutando, perén
cambeante, pero ta cutio presén, en o patrimonio inmaterial- material de toda
l' umanidá.
Iste ye, o millor deseyo de nusatros.
* Ponencia Seminario 2002 Patrimonio Etnológico de Aragón
(Alberto Turón
Lanuza y Mercedes Souto Silva)
|
Ixes de Reclizas
|
